സൗദിയിൽ ഒരാഴ്ചയ്ക്കിടെ 22094 പേർ അറസ്റ്റിൽ

റിയാദ് ∙ സൗദിയിൽ ഒരാഴ്ചയ്ക്കിടെ 22,094 വിദേശി നിയമലംഘകർ അറസ്റ്റിലായി. ഇതിൽ 97 ശതമാനവും യെമൻ, ഇത്യോപ്യൻ പൗരന്മാരാണ്, ബാക്കി 3% ഇന്ത്യ ഉൾപ്പെടെ മറ്റു രാജ്യക്കാരും. നിയമലംഘകർക്ക് ജോലിയോ അഭയമോ നൽകുന്നവർക്ക് 15 വർഷം തടവും 10 ലക്ഷം റിയാൽ പിഴയും ശിക്ഷയായി ലഭിക്കും. നിയമലംഘകരെക്കുറിച്ച് അറിയിക്കുന്നതിനായി മക്ക, റിയാദ്, കിഴക്കൻ മേഖലകളിൽ 911, മറ്റ് പ്രദേശങ്ങളിൽ 999, 996 നമ്പറുകളിൽ വിവരം നൽകണമെന്ന് ആഭ്യന്തര മന്ത്രാലയം അറിയിപ്പിൽ വ്യക്തമാക്കി.